గంగాతరంగ కమనీయజటాకలాపం గౌరీ నిరంతర విభూషిత వామభాగమ్
నారాయణప్రియ మనంగ మదాపహారం వారాణసీ పురపతిం భజ విశ్వనాథమ్
వాచామగోచర మనేక గుణస్వరూపం వాగీశవిష్ణుసురసేవిత పాదపీఠమ్
వామేన విగ్రహవరేణ్యకళత్రవంతం వారాణసీ పురపతిం భజ విశ్వనాథమ్
భూతాధిపం భుజగ భూషితాంగం వ్యాఘ్రజినాంబరధరం జటిలం త్రివేత్రమ్
పాశాంకుశభయపర ప్రదశూలపాణిం వారాణసీపురపతిం భజ విశ్వనాథమ్
శీతాంశుశోభిత కిరీట విరాజమానం ఫాలేక్షణానలవిశోషిత పంచబాణమ్
నాగాధిపారచిత భాసుర కర్ణపూరం వారాణసీపురపతిం భజ విశ్వనాథమ్
పంచాననం దురితమ త్తమతంగ జానాం నాగాంతకం దనుజపుజ్ఞవపన్నగానామ్
దావాలనం మరణశోకజరాటవీనాం వారాణసీపురపతిం భజ విశ్వనాథమ్
తేజోమయం సగుణనిర్గుణ మద్వితీయ మానందకంద మపరాజిత మప్రమేయమ్
నాగాత్మకం సకలనిష్కళ మాత్మరూపం వారాణసీపురపతిం భజ విశ్వనాథమ్
ఆశాం విహాయ పరిహృత్య పరస్య నిందాం పాపెరతించ సునివార్య మనస్సమాధౌ
ఆదాయ హృత్క మలమధ్యగతం ప్రవేశం వారాణసీపురపతిం భజ విశ్వనాథమ్
రాగాదిరోషరహితస్వజనాను రాగం వైరాగ్య శాంతినిలయం గిరిజాసహాయం
మాధుర్యధైర్యసుభగం గరళాభిరామమ వారాణసీపురపతిం భజ విశ్వనాథమ్
వారాణసీపురపతే: స్తవనం శివస్యవ్యాసోక్త మష్టక మిదం పఠే మనుష్య:
విద్యాం శ్రియం విపులసౌఖ్య మనంతకీర్తిం సంప్రాప్య దేహావిలయే లభతే చ మోక్షమ్
విశ్వనాథాష్టక మిదం య :పఠేఛ్ఛివసన్నిధౌ శివలోక మవాప్నోతి శివేన సహ మోదతే
No comments:
Post a Comment