నవరత్నమాలికా స్తోత్ర రత్నమ్

నవరత్నమాలికా స్తోత్ర రత్నమ్

(Navaratna Malika Stotra Ratnam)

హారానూపుర కిరీట కుండల విభూషితా వయవ శోభినీం

కారణేశ వరమౌళికోటి పరికల్ప్య మాన పాదపీఠికాం

కాలకాల ఫణీ పాశబాణ ధనురంకుశామరుణమేఖలాం

ఫాలభూ త్రిలోక లోచనాం మనసి భావయామి పరదేవతామ్

గంధసార ఘనసార చారు నవ నాగవల్లి రసవాసినీం

సంధ్యరాగం మధురాధరా భరణ సుందరానన శుచిస్మితాం

మంథరా యతలోచనా మమలబాల చంద్రకృత శేఖరీమ్

ఇందిరా రమణ సోదరీం మనసి భావయామి పరదేవతామ్

స్మేర చారుముఖ మండలాం విమల గండ్లంబి మణి కుండలాం

హారదామ పరిశోభమాన కుచభార భీరుతనుమధ్యమాం

వీర గర్వహర నూపురాం వివిధ కారణేశ వరపీఠీకాం

మార వైరి సహచారిణీం మనసి భావయామి పరదేవతామ్

భూరిభార ధరకుండలీంద్రమణిబధ భూవలయ పీఠికాం

వారి రాశి మణిమేఖలావలయ వహ్ని మండల శరీరిణీం

వారి సారవహ కుండలాం గగన శేఖరీం చ పరమాత్మికాం

చారు చంద్ర రవిలోచానాం మనసి భావయామి పరదేవతామ్

కుండల త్రివిధకోణ మండల విహార షడ్దళ సముల్లసత్

పుండరీక ముఖభేదినీం తరుణ చండభాను తటిదుజ్జ్వలాం

మండలేందు పరివాహితా మృత తరంగిణీ మరుణ రూపిణీం

మండలాంత మణిదీపికాం మనసి భావయామి పరదేవతామ్

వారణానన మయూరవాహనముఖ దాహవారణ పయోధరాం

చారణా ది సుర సుందరీ చికుర శేఖరీకృత పదాంబుజాం

కారణాధిపతి పంచక ప్రకృతి కారణ ప్రథమ మాతృకాం

వారణాంత సుఖపారణాం మనసి భావయామి పరదేవతామ్

పద్మకాంతి పదపాణిపల్లవ పయోధరా నన సరోరుహామ్

పద్మరాగ మణిమేఖలా వలయినీ విశోభిత నిరంభినీమ్

పద్మసంభవ సదా శివాంతమయ పంచరత్న పదపీఠికామ్

పద్మినీం ప్రణవ రూపిణీం మససి భావయామి పరదేవతామ్

ఆగమ ప్రణవపీఠికా మమల వర్ణ మంగళ శరీరిణీమ్

ఆగమాయవ శోభినీ మఖిలవేద సారకృత శేఖరీమ్

మూలమంత్ర ముఖ మండలాం ముదితనాద బిందు నవయౌవనామ్

మాతృకాం త్రిపుర సుందరీం మనసి భావయామి పరదేవతామ్

కాళికా తిమిర కుంతలాంత ఘన భ్రుంగా మంగల విరాజినీం

చూళికా శిఖర మాలికా వలయ మల్లికా సురభి సౌరభాం

కాళికా మధుర గండమండల మనోహరా వన సరోరుహాం

కాళికా మఖిల నాయికీం మనసి భావయామి పరదేవతామ్

నిత్యమేవ నియమేన జల్పతాం భుక్తిముక్తి ఫలా మభీష్టదాం

శంకరేణ రచితాం సదా జపేత్ నామరత్న నవరత్న మాలికామ్